今日對我嚟講，係人生最重要嘅日子。
老實講，OT咗成個月，每日壓力爆煲，我只係想準時離開一日咁多啫～唔算好過分吖。
於是，我晨咁早就返到公司，早餐都唔食就開始做嘢。
午餐我只係買咗個三文治，就埋頭苦幹繼續做。
同事問我係咪鬼上身，我話今日無論如何都要準時走，否則我一定會化成復仇鬼向大家報仇。
為咗萬無一失，我仲特登同老闆報定案！
「老闆，我今日有急事…」我。
「你唔係想早走嘛？！」老闆。
「我知道工作緊要，所以我唔要求早放，只係希望可以準時放工啫。」我。
「無問題啊，你做晒所有工作就可以收工，我不嬲都唔鍾意人ＯＴ」老闆。
「太好喇，老闆你真係英明神武，連地中海都可以咁靚仔，我諗呢個宇宙無幾多個。」我。
我９０度鞠躬之後，好似奴才見住皇上咁後退離開老闆房。
我全日用平時十倍速工作，一路望住個鐘期待收工，所有工作已經完成晒。而家只係等６點鐘我就可以轉身射個３分波。
5:57PM，我心跳加速。
就喺呢個時候，老闆行出嚟。
「全部人入一入嚟，５分鐘！傾兩句！」
到我出返嚟之後，已經7:30PM…
我喊住咁離開公司，心情跌到落谷底。
唉，今次真係乜都無喇…
「唔該，我想問吓仲有冇最新推出嘅三款火鍋？」
「哥仔你真係好彩，剩返最後一個！」
「真係嘅？！我幾驚賣晒啊！」
正當我以為自己係受到上天眷顧嘅幸運兒，想畀錢之際我先發現…我頭先急得濟，唔記得帶銀包…
「哥仔盛惠$66！」
「我無帶錢…」
「咁我幫唔到你喎。」
「喂！係咪買㗎，唔買走開啦！」排我後面嘅人突然喝罵。
「你知唔知我為咗食呢個火鍋犧牲幾大啊？如果唔係個地中海阿叔臨放工先話要開…開…開…」
我定睛一睇，原來排我後面嗰個…就係我老闆。
「老闆？！」
「原來你放工就係為咗食呢度個火鍋啊？」
「係…係啊。」
「哈哈，乜咁啱嘅！我都係追鍋族，好鍾意一個人打邊爐㗎。既然大家都係同道中人，咁啦，呢餐我請你食。」
「真係嘅？！多謝老闆！」
呢一刻，老闆個地中海好似發出神聖嘅光芒一樣，佢行埋去收銀阿姐度：「唔該，幫我要個焗豬排飯外賣。畀呢位有前途嘅年輕人。」
「咦？！等等老闆，我想食嘅係…」
「仲有，頭先你咪話剩返一個火鍋嘅，畀個火鍋我啦，唔該。」
「點、點解要咁做...」
「我頭先咪講咗囉，我都係追鍋族嘛，個火鍋梗係我食啦。你又無帶錢，我作為老闆都驚員工會餓親，所以買個飯畀你，好合理吖，仲有咩問題？」
「無、無問題喇...」
「咁乖乖哋返屋企休息啦，聽日準時返工。」
我茫然咁拎住個焗豬扒飯外賣，臨離開美心MX，我見到老闆加到一枱都係配料，有牛丸、…魚片頭、…一丁…仲聽到老闆大聲咁話個肥牛真係好香好好食...
我睇唔透，作為一個打工仔，到底仲有幾多嘢係自己掌控得到？
俾人橫刀奪愛嘅感覺真係好難受好嬲！! 為咗掌控返我僅存嘅尊嚴，第日我決定射波唔返工，去美心MX (Maxim's MX)食返個火鍋。
「咦後生仔又係你啊？今日咁早嘅。啱晒喇，而家我哋做緊早鳥優惠啊。」
「係，今日我有帶錢，三款火鍋我要晒！」
「食唔食得晒啊？」
「我嗌晒三個火鍋唔係要話畀人聽我幾威，我係要證明畀所有人睇，失去咗嘅嘢我要自己攞返！」
「你當自己Mark 哥咩，畀現金定八達通啊？」
「八達通！」
當晚，全間美心MX 依舊好多人食火鍋，唯獨我張枱就放咗三個火鍋，香氣四散，霸氣逼人！
我唔知道射波之後會有咩後果。但至少今晚，我掌控到自己嘅火鍋！
Search